THOUSANDS OF FREE BLOGGER TEMPLATES

Thursday, March 4, 2010

March 02, 2010; News Release: PANGINABUHI PRIORITY NI BERNAD

News Release:

PANGINABUHI PRIORITY NI BERNAD

March 02, 2010



Pagmogna og panginabuhi ug pagpalambo niini ang hatagan sa unang pagtagad ni Vice Mayor Kaloy Bernad kon siya ang mahimong Gobernador sa Misamis Occidental.

Ang plano sa gobernador nagsukad sa lig-on nga timaan nga ang Misamis Occidental usa sa mga labing kabus nga probinsiya sa nasod.

Aron makab-ot ang maong tinguha, kinahanglan ang pagpalapad sa skills training program, pagpadaghan sa produksiyon sa agrikultura ug pangisda aron makadani og magpupohonan sa sulod ug gawas sa nasod aron makamogna ug pangempleyo sa katawhan sa lalawigan.

Kini kabahin sa mga pamaagi aron dili maglisod sa pagkaon ang katawhan, himsog ang matag pamilya, makapaeskuwela sa kabataan ug pinaagi niini mapanas sa talay sa labing kabus nga lalawigan sa nasod ang Misamis Occidental.

Gidogang usab sa Besi Mayor nga pinaagi sa pagmogna og panginabuhi hayan muubos ang kremin ug suliran sa paggamit sa illegal nga druga ning lalawigan.
(Nanding G. Dumanjug, Office of the Vice Mayor)

0 comments: