Headline: HONORARIUM SA BHW IBALIK SA 2010 BUDGET

February 24, 2010



News Release

Headline: HONORARIUM SA BHW IBALIK SA 2010 BUDGET


Vice Mayor Kaloy Bernad maningkamot nga piho nga mahibalik sa budget sa 2010 ang honorarium sa mga Baranagay Health Workers (BHW).

Gipadayag ni Vice Mayor Kaloy Bernad nga siya isip pangulo sa sangguniang panglungsod, iyang paningkamotan nga moplastar sa budget ang honorarium sa (BHW) gumikan kay makatarunganon sila nga makadawat niini susama sa Barangay Nutrition Scholars (BNS) ug Civilian Volunteers Organization (CVO) kinsa gitahasan isip katabang sa goberno sa pag-atiman sa maayong panglawas sa katawhan ug ingon man ang pagpalig-on sa kalinaw ug kahusay sa 51 ka mga barangay sa Dakbayan sa Ozamiz.

Subay niini, sa dili pa ipahigayon ang Regular Session sa Lunes, ipahigayon una ang Committee Hearing sa Committee of the Whole aron matuke ang paagi nga mahibalik sa 2010 budget ang honorarium sa BHW.

Sa orihinal nga sugyot, ang duha ka quarters nga paghatag or honorarium sa BHW gilakip sa 20% development fund karong tuiga, apan gikibhangan kini og usa ka quarter, apan sa final budget proposal, gitangtang sa budget sa 20% fund ang gahin alang sa BHW.

Gipahayag sa Besi Mayor nga usa sa mga posibilidad nga sulbad mao ang pagsukip sa budget sa BHW – honoraria ngadto sa Health programs sa siyudad nga tipik ug bahin sa 20% development fund sa siyudad.

Nagtuo ang Besi Mayor nga adunay local ug uban pang umaabot nga income ang siyudad nga mahimong sulbad sa suliran sa paghatag ug honorarium sa mga BHW, lakip na ang BNS ug CVOs ning siyudad.
(Nanding Dumanhug, Office of the Vice Mayor)