PAGLAUM KAUGMAON; EPISODE: 9

EDUKASYON
TITLE: PANGLANTAW NI KALOY BERNAD

PASIUNA: “ EDUKASYON YAWE SA KALAMBOAN ”




Ang edukasyon tipik ug bahin sa pangkinatibuk-ang personalidad sa tawo. Busa giisip kini ngausa sa mga batakang panginahanglan kun basic need of man. Kini nagpasabot nga sama sa pagkaon nga maoy tinukdan sa enerhiya sa tawo, ang edukasyon maoy mogiya alang sa husto nga paggamit sa enerhiya.

“KINI ANG PANGLANTAW NI VICE MAYOR KALOY BERNAD KANDIDATO PAGKAGOBERNADOR SA MISAMIS OCCIDENTAL UBOS SA BANDO PARTIDO LIBERAL”. Dili molambo ang Misamis Occidental ug dili gayud mapapas sa talay sa mga probinsiya sa nasud nga labing kabus kon ugaling dili mapalambo ang edukasyon, kahibalo ug kaalaman sa lalawigan.

Atong ibalik lantaw og diyutay ang atong panlantaw. Ang atong unang katigulangan nakadiskobre og kalayo. Sa sinugdanan, wala sila na edukasyon kn unsaon paggamit ang kalayo. Apan sa dihang nasayod na sila, ilang nadiskobre nga ang kalayo maayong gamiton sa pagpanluto, pagsunog sa mha butang. Gikan niini nadiskobre nga ang kalayo tinubdan sa usa ka enerhiya nga makapalihok og butang. Busa kini nahimong sinugdan sa pagkamogna sa mga sakyanan sa yuta, kadagatan, ug kahanginan. Gawas pa niini natukod ang dakong mga industriya ug paktorya gamit ang enerhiya sa kalayo sa pagproseso sa mga produkto. Karon mas napalambo pa pinaagi sa pagdiskobre sa mga butang nga makamogna og kalayo kabahin niini ang fossil fuel o petroleum products, elektrisidad ug uban pang mga elemento sa kalibutan. Ingon niini ang gahum sa edukasyon nga mahimong mapadaku sa mga gagmay nga mga butang. Busa aron molambo ang atong probinsiya, kinahanglan nga makatungha ang atong mga kabataan sa mga tunghaan. Apan nahimong dakong pangutana; unsaon man sa pag-eskuwela sa kadaghanan sa kabataan nga bisan sa pagkaon maglisod man dulot sa kawad-on, kalisod sa panginabuhi ug ubos ang kinitaan. Gumkan niini bisan pa nga libre ang balayranan sa elementarya ug hais skul sa mga pampublikong tunghaan, daghan sa gihapon ang dili makatungha o wala makatapos sa pagtungha.

Si Kaloy Bernad nasayod nga adunay kabataan nga nagtungha sa mga pampublikong tunghaan, sa elementarya ug hais skul nga makatulog sulod sa mga tunghaan gumikan sa kagutom. Ang tanan nasayod nga ang pasmadong kabataan hinay ang katakos sa pagsabot sa leksiyon, busa tataw kaayo nga dakong babag sa pagpalambo sa edukasyon ang kawad-on. Kini nga kahimtang nakita ni Vice Mayor Kaloy Bernad.
Sa atong batakang balaod, ang edukasyon usa sa mga batakang katungod sa katawhan sa nasod apan gumikan sa kawad-on daw nahimong prebihiyo. Kini gumikan kay kadtong sapian lamang ang sayon nga makatungha. Niini nga punto gipasabot ni Kaloy Bernad nga unahon gayud ang paghatag og panginabuhi o pagpalambo sa panginabuhi ug kinitaan sa katawhan aron ang edukasyon dili mahimong prebilihiyo kun dili usa gayud ka batakang katungod.

Ang pagpatuman sa programang sama sa “scholarship program”, atong giisip nnga usa sa mga sulbad niini, apan kita masayod nga limitado lang ang programa alang niini, kay aduna may criteria ang mamahimong scholar, kadtong dili mo qualify dili sab makaeskuwela. Dili sab buot ipasabot nga kadtong dili mo-qualify wala nay katungod nga mahatagan og maayong edukasyon. Busa kini nga matang sa programa kulang, aron mahimong husto, kinahanglan ang ego nga panginabuhi sa katawhan aron ang matag pamilya adunay ekonomikanhong gahum sa pagpatungha sa ilang mga anak nga dili na magsalig sa goberno.

Apan daghan ang mangutana; unsaon man pagsulbad ang suliran sa kawad-on sa lalawigan???


Kini ang PANGLANTAW NI VICE MAYOR KALOY BERNAD.

Kinahanglan nga padaghanon pag-ayo ang produksiyon sa panguma sa lalawigan.

Ang Misamis Occidental panguma ang dugokan sa ekonomiya. Lapad ang bukid, patag ug bahiya nga mahimong mapataas ang ang-ang sa atong abot. Pagpreso sa atong abot aron kita makamogna ug uban pang mga produkto nga maghatag og oportiyunidad sa panginabuhi, negosyo o pamatigayon nga makadani sa lokal ug langyaw nga mga magpapatigayon. Subsob nga skills training ngadto sa kabarangayan ug programa alang sa job placement dinhi sa lokal ug gawas sa nasod.

Balancing Ekolohiya:

Nagpasabot nga kinahanglan panalipdan aron magpabilin ang maayong kayutaan nga makabuhi sa mga tanum, kahayupan, kaisdaan ug ilabina ang mga katawhan.

Pagpalambo sa atong mga dapit sa lalawigan nga adunahan sa makasaysayong butang.

Dili malinong sa tibuok nasod ug sa tibuok kalibutan sa umaabot nga panahon nga ang dapit sa Misamis Occidental tipik og bahin sa kasaysayan sa nasod nga may mibarog nga makasaysayanong timaan sama sa Cotta sa Ozamiz City, Berhin sa Cotta, Bukagan Hill, Simbahan sa Jimenez ug daghan pang uban.


Pagmogna og mga proyektong inprastraktura nga kadugtong sa ekonomikanhong programa, rood network sa kabukiran, pagmogna og dugang tinukdan sa Enerhiya sama sa wind o solar energy.



Pagpaabante sa Organic Farming

Suporta ug paghatag og dugang kusog sa kooperatiba.


- Kining tanang panglantaw plata porma ni Kaloy Bernad kandidato Pagkagobernador sa Misamis Occidental.
Atong Paglaum…. Atong Kaugmaon.