PAGLAUM KAUGMAON; EPISODE: 10

TITLE: PANGLANTAW / PLATAPORMA NI KALOY BERNAD

- TOURISM

PASIUNA:


Ang Misamis Occidental, sa iyang pagkahinugso gikalahum nang daan sa kaugalingong kasaysayan.

Ang pulong “Misamis” gituhoan nga gikan sa subanong pulong nga “Kuyamis” nga nagpasabot nga usa ka tam-is nga matang sa lubi nga mao ang naandang pagkaon sa mga unang lomolopyo niining dapita.

Niadtong panahona ang maong ngalan nagpadayon ug nahimong timaan – paghulagway sa atong dapit. Sa sumang kapanahonan,alang sa mga katsila mas masayon nila ang paglitok sa pulong nga Misamis kaysa pinulungang Kuyamis, busa; namuol ug migamot sa hunahuna ug pagbati sa katawhan ang pulong nga Misamis.

Pinaagi sa Aksiyon Lehislatibo nga napasar kaniadtong Nov. 22, 1929, nabahin ang Misamis Occidental ngadto sa duha ka probinsiya nga mao ang Misamis Orriental ug Misamis Occidental. Ang Misamis Occidental naglangkob sa tulo (3) ka dakbayan ug napulog upat (14) ka munisipalidad.

Gihulagway ni Kaloy Bernad, kandidato Pagkagobernador sa Misamis Occidental nga ang Labawng Makakagagahum mihatag og panalangin alang sa maayong kasaysayan, kultura ug palibut sa Misamis Occidental nga talagsaon itande sa ubang dapit sa kapopod-an sa nasod.

Ang lalawigan may makasaysayan ug kulturanhong kinaiya nga makapadani sa mga torista sama sa sumusunod:

Bacurros Printing Press, ang labing karaan nga Printing Press sukad pa niadtong 1938 nga nahimutang sa Jimenez , Misamis Occidental.
Pipe Organ sa Katolikong Simbahan sa Jimenez nakita sukad pa sa tuig 1863 ug gilauman nga motingog pag-usab sa tungatunga ning tuiga.
Pipe Organ gikan sa Germany, nahimotang sa Immaculate Conception Cathedral, kini ang labing dako sa Mindanao ug ika duha sa Pilipinas.
Lake Duminagat sa lungsod sa Don Victoriano gihulagway ang buhi nga kinaiyanhong kutay sa kinabuhi, niini magpakabuhi ang mga idlas nga kayayapan, talagsaon nga naghatag og kinabuhi sa mga tanum ug kahayupan.
Sunrise Beach – sa Lungsod sa Baliangao, adunay taas nga wanang sa pino-puti (white) nga balas nga maayo sa alang sa pagpangligo ug sakayan.
Bulawis Spring and Swimming Pool sa Calamba, naila sa daghang tubod sa bugnawng tubig ug maayong kaligoanan.
Baon-baon Island (Seven Island sa Plaridel), talagsaon ang kanindot, anaa ang kalunhaw ug pino ang balas sa baybayon;
Cotta Beach – makasaysayong bahin sa lapyahan diin mahimotang ang
Fort Triumfo;
Dela Paz Beach sa Panaon, tin-aw, maanindot ug maayo sa picnics;
El Triunfo Beach (Oroquieta City);
Panguil Bay and Fish Traps sa Tangub City, naila sa kaanindot nga
talan-awon, anaa ang tiyes shrimps nga pangdeport.
Ramirez Beach sa Oroquieta City, naila sa daw samin nga katin-aw sa tubig, maanindot may cottages alang sa pag-picnics.
Sibucal Hot Spring sa Oroquieta City – Natural Hot Spring nga nahimotang 10Kl gikan sa sentro sa siyudad.
Hoyohoy Highland Park, Tangub City, nag-umaw sa maanindot nga talan-awon sa Panguil Bay 13Kl gikan sa Highway.
Religious and Man-made Tourist Attractions;
Ola Spanish Catholic Church sa Brgy. Turaka, Jimenez, anaa niini ang kinaiya sa tanang labing karaan nga simbahan saPilipinas.
Maayong mga talan-awon nga binuhat sa tawo;
Baliangao Mangrove Walk (Baliangao)
Circiaco Pastrano Hanging Bridge sa Oroquieta City, 75 meter hanging bridge, adunay 20Ft elevation nga nagdugtong sa Brgy. Layawan ug Tausa Norte;
Oroquieta City Plaza (Oroquieta City), atubangan sa Oroquieta City Hall gikonsidera nga mini Luneta Park sa Misamis Occidental.
Provincial Capitol (Oroquieta City), gipabarog niadtong 1973 ug gihukman nga labing nindot nga Kapitolyo niadtong 1973 sa tibuok Pilipinas nga gipabarog ni Kanhi Gobernador Don Anselmo Bernad, Apohan ni Kaloy Bernad.
Naomis Botanical Garden sa Ozamiz City – 9 hectares fruits and ornamental plants

Festivals:
Dalit Festivals (Tangub City)
Subayen kay Subanon (Ozamiz City)
Harvest DANCE (Tangub City)
Special Interest Towns – Sinacaban ira Watch







Sa Panglantaw og Palata Porma ni Kaloy Bernad, kining tanan nga gihulagway sa unahan giisip nga mga bahandi sa lalawigan.

Kini nga mga bahandi, subay sa hustong paggamit, gamiton alang sa pagsulbad sa suliran sa lalawigan nga mao ang kawad-on.

Kini usab atong giisip nga mga resources nga nagkinahanglan og kahibalo, kaalam, kasinatian og kamatinud-anon, nga mga mithi nga panglantaw.
Sa unsa nga paagi?

Una sa tanan ang Misamis Occidental usa ka makasaysayanong probinsiya busa kinahanglan nga tin-awng suhiron ang atong kasaysayan aron maklaro ang kutay sa atong kasaysayan ngadto sa nasod ug sa tibuok kalibutan.

Sa pag-establis sa atong kasaysayan kini ang nahimong dugukan o pundasyon sa pagkabog sa interest sa lokal ug langyawng toresta aron mobisita sa Misamis Occidental ug matubag ang mga pangutana kon usa ka bahandianon ang Misamis Occidental sa Kasaysayan.

Sunod niini, kinahanglan palawomon ang mga kinaiyanhong ug gama sa tawo nga mga makasaysayanon, makahuluganong mga butang og talan-awon sa lalawigan nga atong nahisgutan sa unahan.

I-develop nga mahimong World Class ang kalidad sa serbisyo sa mga tourist destinations sa lalawigan.

I-siksik sa huna-huna ug pagbati sa katawhan ug sa tibuok kalibutan nga ang Misamis Occidental usa ka luwas nga dapit alang sa mga torista. Usa sa labing maayong buhaton mao ang pag-andam sa kinaiya sa katawhang Misamisnon nga maantigong modawat, morespeto, ug manalipod sa mga dumuduong, ug ang kagamhanan magkupot sa lig-ong politikanhon nga baruganan sa pagpatuman sa tanang moral nga katundanan ug mga balaod nga manalipod sa kinabuhi ug propridad sa mga lokal ug langyawng torista / mga torista.

Gamit ang tanang bag-o nga teknolohiya sama sa multimedia, information technologies, ipalanog sa tibuok nasod ug sa tibuok kalibutan nga ang Misamis Occidental usa ka dapit makasaysayan, bahandianon, kinaiyanhong may katahom alang sa mga torista.



Kini ang tipik ug bahin sa PANGLANTAW PLATAPORMA NI KALOY BERNAD, KANDIDATO PAGKAGOBERNADOR SA MISAMIS OCCIDENTAL.

ATONG PAGLAUM…… ATONG KAUGMAON.