7 pesos nga plitihan sa motorcab giaprobahan sa konseho sa ikaduhang pagbasa.

7 pesos nga plitihan sa motorcab giaprobahan sa konseho sa ikaduhang pagbasa.

Giaprobahan sa Sangguniang Panglungsod sa ikaduhang pagbasa atol sa regular session kaniadtong Lunes , Agusto 3, 2009 ang ordinansa nga nagtakda og P 7 pesos nga plitihan sa motorcab.

Sa Order of Business nga giandam ni Jocelyn Almeda, OIC Secretary to the Sangguniang, natatak sa Business for the day for second reading and maong ordinansa.

Ang konseho sa pagpangulo ni Vice Mayor Kaloy Bernad nagkauyon nga kinahanglan nga hatagan og pagtugot ang hangyo sa motorcab sector, apan kinahanglan nga maklaro kun pila ang katidad sa ipatuman nga increase.

Subay niini gipahigayon ang Committee Hearing sa Committee on Public Utility niadtong Hulyo 28, 2009 sa session hall ug naaprobahan ang usa ka peso nga increase sa plitihan pinaagi sa pag-utingkay sa unang nahiklin nga ordinansa.

Gipasabot sa motorcab sector nga apiki kaayo ang ilang panginabuhi gumikan kay misaka sa kapin sa 40 pesos ang prisyo sa gasolina ug padayon usab ang pagtaas sa prisyo sa mga pyesa.

Sa tinguha nga matubag sa konseho ang hangyo sa nahisgutang sector, gikonsedarahan dayon ang unang nahiklin nga sugyot ordinansa nga naglatid sa 7 pesos nga plitihan sa motorcab.

Kini nga ordinansa nakalabang na sa committee level ug public hearing apan niadtong tuig 2008 apan gihiklin human mahitabo ang sunod sunod nga roll back sa prisyo sa gasolina gikan sa labing taas nga pagsaka nga nikabat og 60 pesos matag litro.
(Nangding G. Dumanjug, Office of the Vice Mayor)