Pagsaulog sa Araw Ng Villa Consuelo mibalik lantaw sa 32 ka tuig

Pagsaulog sa Araw Ng Villa Consuelo mibalik lantaw sa 32 ka tuig

Gipadayag ni Sister Regina “Inday” Bernad ug Sister Teresita “Tacit” Bernad ang kabahandianon sa pagbalik lantaw sa nakalabay nga 32 ka tuig sa pagkahimogso sa Villa Consuelo isip usa sa mga malambuong barangay sa dakbayan sa Ozamiz nga kanhi usa ka yanong resettlement site.

Ang duha ka talahurong alagad sa Dios, mga iguon ni Kanhi Mayor Dongdong Bernad nipadayag sa ilang mensahe atol sa santos nga misa kagahapong adlawa sa kapilya sa nahisgutang barangay agig pahinumdom nga ka importanti sa kasaysayan aron makab-ot ang gidamgo nga kalamboan.

Kahinumoman nga ang barangay Villa Consuello namogna ug nahimong tipik ug bahin sa siyudad pinaagi sa pagpaningkamot ni kanhi Mayor Dongdong Bernad , ang amahan ni vice mayor Kaloy Bernad.

Ang Pulong nga Villa Consuelo gikan sa ngalan sa iyang grandmother nga si Doña Consuelo Bernad ang asawa sa kanhi gobernador sa lalawigan, Anselmo Bernad.

Ang nasangpit nga dapit maoy nahimong resettlement site sa mga fire victims sa nahitabo nga labing dakong sunog sa siyudad niadtong Marso tuig 1977.

Samtang gipahalipayan ni Vice Mayor Kaloy Bernad ang mga opisyal ug mga lomolopyo sa maong barangay gumikan sa padayon niini nga pagpaningkamot mobarog isip usa ka kaatilingban ug lokal nga panggoberno pinaagi sa mithi sa pagtinabangay, pagsinabtanay, sakripisyo ug pagpaningkamot.

Gipahayag sa besi Mayor nga gumikan sa kasaysayan ang Villa Consuelo nahimo nang tipik sa ilang pamilya ug subay niini iyang gipasalamatan ang sangguniang barangay sa pagpangulo ni bgy. Chairman Reynandlo Fuentes ug mga kagawad niini gumikan sa kanunay nga pagdapit sa ilang pamilya sa higayon nga saulogon ang Araw Ng Villa Consuelo.

Gidogand sa besi Mayor nga andam siya ug ang konseho sa siyudad nga motabang alang sa padayon nga paglambo sa nasangpit nga barangay.
(Nanding Dumanjug,office of the Vice Mayor)