Seguridad prioridad sa Besi Mayor sa pagsaulog sa fiesta.

Seguridad prioridad sa Besi Mayor sa pagsaulog sa fiesta.

Gipahayag ni Vice Mayor Kaloy Bernad nga prayoridad ang paghatag og seguridad sa katawhan sa siyudad ug domoduong, ning panahona nga gisaulog ang ika 61 ka tuig nga kasumaran sa pagkahimugsong siyudad sa Ozamiz ug fiesta sa patron “Nuestra Seniora del Triunfo dela Cruz”.

Iyang gipadayag nga gipalihok na ang mga hingtungdan ahensiya sa lokal nga kagamhanan sa Ozamiz pinaagi ni Mayor Aldong Parojinog sama sa PNP, 1005TH Mobile Force, Auxillary Police, Traffic Enforcers ug uban pa aron kahatagan og seguridad ang tanan nga gasaulog sa charter anniversary ug fiesta sa siyudad.

Ang mga kalihukan nagpadayag sa pagbaliklantaw sa kasaysayan sa siyudad, pag-ila sa lumadnong gigikanang Misamisnon, kulturanhon, espirituhanon ug kalingawan.

Adlawng Martes, Hulyo 14, 2009 gipahigayon ang Baking Seminar sa Cotta Museum, Blood Letting Program sa Public Mall, Search for Miss Ozamiz Tourism 09, alas 7 sa gabii sa Medina Gym ug Kalusugan ng Kabataan sa MHARSRTTH.

Giawhag usab sa besi mayor ang katawhan nga makig alayon sa mga otoridad sa higayon nga adunay mamatikdang tawo o mga tawo nga magmogna og kagubot ning siyudad nagsaulog sa duha ka makasaysayanong hitabo.
(Nanding G. Dumanjug, Office of the Vice Mayor)