Pamilya kinahanglang panalipdan

Pamilya kinahanglang panalipdan

Pamilya ang giila nga batakang institusyong sosyal kinahanglan nga panalipdan batok sa mga polisa nga makaguba niini.

Gipasabot ni vice mayor Kaloy Bernad nga dili masulbad ang suliran sa nasod kon ang mga polisa wala makatutok sa interest sa pamilya mas labaw pa kon ang paagi makaguba niini nga katilingbanong institusyon.

Bisan pa ang pagsulbad sa suliran sa ekonomikanhong kahimtang, katilingbanon ug politika kinahanglan gyud nga magsukad sa pamilya sama sa paghatag og pagpalambo sa panginabuhian, peace and order, drug addiction ug ang pagsulbad sa suliran sa sistema sa politika.

Kini ang hinongdan nga ang kagamhanan adunay tahas sa pag-abag ug pagpanalipod sa pamilya aron molig-on ang katilingban ug pangagamhanan… dogang pamahayag sa besi mayor.

Iyang gipamatuod nga ang Sangguniang Panglungsod sa Ozamiz ubos sa iyang lederado lig-on nga nanalipod sa pamilya pinaagi sa pagpasar og usa ka resolution sa mosyon ni Konsehal Bebie Neri, Konsehal Loloy Cartajenas, Konsehao Cecelia Mabanag ug suporta sa tanang kauban, nga unod niini ang kusganong pagsupak sa House Bill No. 3773, The Proposed Responsible Parenthood and Population Management Act of 2005 gumikan kay ilang gituhoan nga kini makagusbat sa pamilya, anti- Christian, Anti Life.

Siya nagtuo nga ang pagmogna og mga pamaagi ug programa alang sa pagpalig-on sa pamilya sa tanang aspeto maoy suliran sa suliran sa komonidad ilabina ang kawad-on, dili ang pagkutop sa papulasyon pinaagi sa pagamit og mga artificial method nga makayatak sa katunod sa pagpakabuhi ug paghikaw sa kinabuhi sa katawhan.
(Nanding G.Dumanjug)