Subra sa usa ka gatos ka hand held radios makatabang pagpalig-on sa kalinaw ug kahusay

Subra sa usa ka gatos ka hand held radios makatabang pagpalig-on sa kalinaw ug kahusay

Gipahayag ni Vice Mayor Kaloy Bernad nga makatabang sa pagpalig-on sa kalinaw og kahusay sa siyudad ang aktibong linya sa komonikasyon sa 51 ka mga barangay sa siyudad pinaagi sa pagamit sa hand held radio transceivers.

Iyang gipasabot nga pinaagi sa maong kahimanan daling makakutay ang mga opisyal sa barangay ngadto kapulisan o sa armadung kusog sa nasod aron masikop ang mga criminal.

Magamit usab kini alang sa dali nga pag aksiyon sa siyudad, mga ahensiya sa goberno ug pribadong sector aron matubag ang dinaliang tabang sa higayon nga may mahitabong trahedya.

Ang pahayag giluwatan sa besi mayor human iyang nasayran nga nipalit og subra sa usa ka gatos ka unit sa hand held radio transceivers si Mayor Aldong Parojinog didto sa kaulohan.

Kini nakompermar pinaagi sa committee report ni Hon. ABC President Rustom Parojinog sa regular session niadtong Lunes.

Kahinumdoman nga ang maong proyekto dogay nang gipangandoy sa mayor ug sa Association of Barangay Chairmen ABC.

Gidogang sa besi mayor nga pinaagi niini mahimong paspas og epektibo ang pag-aksiyon sa barangay sa paghatod og batakang serbisyo ngadto sa ilang katawhan.
(Nanding G. Dumanjug, Office of the Vice Mayor)