Vice Mayor Kaloy Bernad mipanas sa mga isyus sa iyang pagdagan pagkagobernador

Vice Mayor Kaloy Bernad mipanas sa mga isyus sa iyang pagdagan pagkagobernador

Gipanas ni vice mayor Kaloy Bernad ang mga isyus nga nagdulot og mga pagduhaduha sa katawhan kalabot sa iyang pagdagan sa pagkagobernador sa Misamis Occidental alang sa 2010 elections.

Sa press conference nga gipahigayon sa session hall human sa regular session sa sangguniang panglungsod, gipaklaro sa besi mayor nga ang paglusad sa iyang kandidatura dili usa ka pagpangluod dulot sa pagdumili ni Congresswoman Hermie Ramiro nga mahimo niini nga runningmate sa governaturial race.

Gipatin-aw usab sa besi mayor nga ang iyang kandidatura dili usa ka paagi aron magpapalit ni congresswoman Ramiro gumikan kay sukad pa sa iyang apohan nga si kanhi gobernador Don Anselmo Bernad, iyang amahan nga si kanhi Mayor Dongdong Bernad, ug diha sa iyang pagkakonsehal ngadto sa pagkabesi mayor sa dakbayan sa Ozamiz, ang iyang pamilya wala sukad mamaligya sa kandidatura, hinuon pasiaw nga gidogang sa besi mayor nga ang iyang asawa namaligya og siopao ug meat bread sa Carmelas.

Gipadayag sa besi mayor ang nag-unang hinongdan nga sa unang higayon nideklara siya sa pagdagan sa pagkagobernador apan nipaubos kini sa pagkabesigobernador ug sa kataposan nihukom nga modagan sa pagkabernador , kini gumikan kay iyang nakita nga makatabang og dako sa katawhan sa lalawigan kon siya mahimong gobernador ubos unya sa lederato sa dumadaog nga kandidato sa pagkapresidenti sa nasod nga si Noynoy Aquino ug Besi Presidenti Mar Roxas. Lig-on ang pagtuo sa besi mayor sa kabahandianon nga duol sa presidenti o sa malacanang ang sunod nga gobernador sa Misamis Occidental gawas pa niini ang Liberal Party nikonbensi kaniya sa pagdagan pagkagobernador.

Ang partido liberal mao ang politikanhong grupo sa iyang amahan nga nagdala sa hustong direksiyon sa nasod kinsa ang kandidato sa pagkapresidenti nga si Senador Noynoy Aquino ug besi presidenti Senadur Mar Roxas susamang nangharos sa sunod sunod nga surveys.

Gumikan niini giisip nang daan sa kampo liberal ang pagpangandam sa bag-ong panggoberno sa nasod ug si vice mayor Kaloy Bernad gitahasan sa partido sa pag-organisa sa Misamis Occidental alang sa sunod nga pamonoan.
(Fernando G. Dumanjug, Office of the Vice Mayor)