Vice Mayor Kaloy Bernad napili nga delegado sa National Directorate sa Liberal Party.

Vice Mayor Kaloy Bernad napili nga delegado sa National Directorate sa Liberal Party.

Vice Mayor Bernad Vice Mayor Kaloy Bernad napili nga usa sa mga delegado sa reheyon dies alang sa National Directorate sa Liberal Party nga napahigayon sa Nobyembri dies tuig 2010.

Ang pagpili sa besi mayor isip mahimong delegado gihimo adlaw atol sa paghigayon sa Mindanao General Assembly of Liberal Party sa Budgetel , Cagayan de Oro City nga giapilan sa mga delegado sa Reheyon 10, 9, 11,12, Caraga ug Autonomous Region for Muslim Mindanao.

Basi sa constitution and By laws sa LP ang pagpili sa delegado ipaagi sa caucus sa mga delegado gikan sa nahisgutang mga reheyon ug aprobahan sa plenary sa ipahigayon nga general assembly.

Sa gipahigayon nga caucus nahimong sayon ang pagpili ni vice mayor Bernad isip delegado sa reheyon 10 nga magrepresentar sa Misamis Occidental human ni wave sa iyang katungod sa pagpapili ang delegado sa Bukidnon Misamis Oriental, pinaagi usab sa pagsuporta ni Vice Mayor Mejares ug konsehal Macalisang sa lungsod sa Sinacaban ning lalawigan ug sa mga delegado sa lima ka reheyon.

Ang LP General Assembly sa Mindanao gipagayon pinaagi sa pagpanguna nila ni Atty. Chity Gascon, Secretary General, Congressman Neric Acosta, Vice President ug LP Cagayan de Oro Chapter isip host sa dakong kalihukan sa paritdo sa tibuok Mindanao.

Kini nga kalamboan mao ang kasunod sa dihang gitahasan si Vice Mayor Kaloy Bernad nga mo-oraganisa sa Liberal Party sa Misamis Occidental nga nagpabut-at sa posiblidad nga modagan sa pagkagobernador ning lalawigan.

Ang besi mayor nakaangkon og pagsalig sa partido gumikan sa maayong record niini sa pagdumala sa panggoberno nga haom sa prinsipyo ug mensahi sa partido nga mao ang kagawasan, demokrasya, katarung, kamatouran ug dili corrupt nga panggoberno. (Nanding G. Dumanjug)