TAMPO SA SENIOR CITIZENS SA KOMONIDAD, GIILA SA LOCAL NGA KAGAMHANAN

TAMPO SA SENIOR CITIZENS SA KOMONIDAD, GIILA SA LOCAL NGA KAGAMHANAN


Kabahandianon sa tampo sa Senior Citizens sa pag-umol ug pagserbisyo sa komonidad, giila sa kagamhanang local.

Agig paghatag og gibug-aton pat ka adlaw ang gigahin sa kagamhanang local sa siyudad nga nagsugod sa Oktubre 12 ngadto sa 15 tuig 2009 alang sa nagkalain laing kalihukan nga nagpadayag sa pag-iila sa mga senior citizens pinaagi sa inisiyatibo ni konsehal Cecelia Mabanag, mga kadagkoan ug membro sa kahugpongan sa mga senior citizens ug sa City Social Welfare and Development.

Gipahayag ni Vice Mayor Kaloy Bernad nga ang kaugmaon sa atong komonidad sa siyudad, probinsiya ug sa tibuok nasod nag-agad kon giunsa sa pag-umol sa mga senior citizens ang ilang tagsa-tagsa ka sakop sa pamilya.

Gidogang sa besi mayor nga ang mga senior citizens giisip nga unang bayani diha sa matag pamilya kinsa nitahan sa ilang dakong sakripisyo sa pamilya ug sa katilingban diin sila nagserbisyo ug nanginabuhi.

Samtang ang sangguniang panglungsod ning siyudad nagpadayon sa kanunayng pagtutok sa interest sa mga senior citizens. Kamatuoran niini sa nakalabay nga increase sa plitihan sa motorcab diin walay labot niini ang sector sa mga senior citizens.

Kini usa ka pagpadayag nga ang lehislatibo ug ang buhatan sa ehekutibo sa pagpangulo ni Mayor Aldong Parojinog pinaagi sa CSWD padayon nga nangita og pamaagi aron kahatagan sa pagtagad ang kaayohan sa mga senior citizens ning siyudad.
(Nanding G. Dumanjug, Office of the Vice Mayor)