Foreign investors, mas makapahagit sa siyudad paglig-on sa Peace and Order

Foreign investors, mas makapahagit sa siyudad paglig-on sa Peace and Order

Gipahayag ni Vice Mayor Kaloy Bernad nga mas mapursige ang lokal nga kagamhanan pagpalig-on sa kahimtang sa kalinaw og kahusay dulot pagpakitag kaikag sa mga foreign investors nga mobubo og puhonan sa dakbayan sa Ozamiz.

Sa business briefings sa Ozamiz Airport niadtong Sabado, gipahayag ni George Uy , presidenti sa Isabila Alco Gas Corporation nga unang sutaon sa mga langyawng mamumohonan ang Peace and Order sa usa ka dapit gawas sa investment facilities sama sa maayong dalan, airport, pantalan, electricity ug water system.

Hinuon iyang gipasabot nga mas maayo ang kahimtang sa kalinaw ug kahusay ning siyudad ug mga silingang dapit itande sa ubang lalawigan nga kanunay mahitabo ang pagpangidnap sa mga langyaw negosyante.

Busa kini ang hinongdan nga misuse sila sa Ozamiz ug sa mga kalungsoran sa Misamis Occidental sa pagtuo nga mahimo kining alternantibong dapit alang sa investments.

Angayang masayran nga ang Isabela Alco Gas Corporation nagtinguha nga moplastar og 16 mil hektaryas nga plantasyon diin 3 mil hektasyas niini dinhi sa Ozamiz, 3 mil usab sa Clarin, 4 mil sa tudela ug dogang 3 mil sa Sinacaban. Samtang ang Malasyan based Bryn Gaw Corporation nagtinguha usab mopahiluna og 20 mil hektaryas sa plantasyon sa Palm Oil.

Nunot niini gipahayag sa besi mayor nga kanunay nagsuporta ang sangguniang panglungsod ngadto ni Mayor Aldong Parojinog pinaagi sa lehislasyon aron matubag ang nasangpit nga hagit.

Gipasabot sa besi mayor an ang hingpit nga suporta sa konseho makapalig-on sa mayor pagpatuman sa peace and order program sa siyudad nga padayong gihagit gumikan sa dinagko ug ginagmay nga mahitabong krimin.
(Nanding G. Dumanjug, Office of the Vice Mayor)