Vice Mayor Kaloy Bernad lig-on ang hukom sa pagdagan pagkagobernador

Vice Mayor Kaloy Bernad lig-on ang hukom sa pagdagan pagkagobernador

Lig-on ang hukom ni Ozamiz City Vice Mayor Kaloy Bernad nga modagan pagkagobernador sa Misamis Occidental ilawom sa Partido Liberal.

Dako ang pagtuo sa besi mayor nga kon siya ang mahimong gobernador sa lalawigan , si Senadur Noynoy Aquino ang presidenti ug si Senadur Mar Roxas ang besi presidenti , kini magdala og kalamboan ug klaro nga deriksiyon sa Misamis Occidental.

Ang Partido Liberal nagtuo nga ang ilang kandidato sa pagkapresidenti nga si Noynoy Aquino ug pagkabesi presidenti nga si Mar Roxas ang modaog sa eleksiyon, ug sunod nga mamonoan sa nasod gumikan sa pagsulbong sa pagsalig sa katawhan nga gipamatud-an sa sunod sunod nga surveys sa kaulohan sa tanang kandidato sa pagkapangulo ug pagkapulipangulo.

Gipasabot sa besi mayor nga importante kaayo, nga ang sunod nga gobernador lagsik ug suod sa presidenti, duol sa malacañang aron makatabang sa pagpalambo lalawigan ilabina ang paghaw-as niini gikan sa kapobrihon ug mapapas gikan sa listahan sa labing pobring probinsiya sa nasod.

Kini ang mga nag-unang katarungan nga nilig-on ang iyang nakahukom nga modagan pagkagobernador.

Kahinumdoman nga ang partido liberal kusganong nihangyo kaniya nga modagan sa pagkagobernador alang sa kaayohan sa katawhan sa lalawigan.

Sa petsa 27 o 28 kaniadtong bulan sa Nobembri hingpit siyang miduso sa iyang sertipiko de kandidatura aron pagpamatuod bug-os na ang iyang hukom ug mapanas ang mga pagduduha ug mga isyus sa iyang kandidatura.

Sa press conference tali sa local media dili pa lang dogay gipasabot sa besi mayor nga ang pagduso unya sa iyang kandidatura maoy mopanas sa pagduda nga midagan siya sa pagkagobernador aron paliton ni Congresswoman Hermie Ramiro.

Gipadayag sa besi mayor nga wala mabatasan sa ilang pamilya nga mobaligya sa kandidatura sukad pa sa iyang apohan nga si kanhi Misamis Occidental Governor Don Ansermo Bernad ug iyang amahan nga si kanhi Ozamiz City Mayor Dongdong Bernad ug sa iya mismong kaugalingon nga kanhi konsehal ug karon motapos sa termino isip besi mayor sa dakbayan sa Ozamiz.
(Fernando G. Dumanjug, Office of the Vice Mayor)