LP Chapters ug Noynoy-Mar Voluntary Movement for President gimogna sa Missamis Occidental.

LP Chapters ug Noynoy-Mar Voluntary Movement for President gimogna sa Missamis Occidental.

Chapters sa Partido Liberal ug Nonoy Mar Voluntary Movement for President gimogna sa dakbayan ug kalungsoran sa Misamis Occidental.

Gipahayag ni Vice Mayor Kaloy Bernad nga kini nga kalihukan kabahin sa lakang alang sa pagpalig-on sa kawsa sa partido liberal.

Ang partido nibarog, nilahutay ug nilambo subay sa prinsipyo ug kawsa alang sa pagpalig-on sa demokrasya, kagawasan sa nasod , maayong panggoberno nga nagsukad sa nasudnong kagamhanan ngadto sa local nga panggoberno sa kabanikanhan.

Gipasabot sa besi mayor nga ang maong kalihukan makatabang sa pagkab-ot sa tinguha nga molambo ang Misamis Occidental gumikan kay pinaagi niini makita ang dakong suporta sa katawhan sa lalawigan sa mga kandidato sa partido liberal gikan sa presidenti, besi presidenti,senadur, kongresista, gobernador, mayores, board members ug mga konsehales.

Ang dakong suporta sa katawhan sa lalawigan kabugtian unya kini og kalamboan gumikan kay kampanti ang partido liberal nga si Senadur Noynoy Aquino ang modaog nga presidenti, senadur Mar Roxas pagkabesi presidenti ug ang kandidato sa lokal nga ang-ang.

Subling gipadayag sa besi mayor nga kon ugaling siya ang tugpahan sa suwerte nga mamahimong gobernador sa Misamis Occidental mahimo unya nga usa lang ka tikang ang Misamis Occidental ngadto sa Malacañang nga mohatod sa dakong kalamboan sa lalawigan.

Si Kaloy Bernad, ang apo ni Don Anselmo Bernad kanhi gobernador sa lalawigan, nga siya usab ang anak ni kanhi mayor sa Ozamiz Fernando Dongdong Bernad, mao ang provincial chairman sa Partido Liberal sa Misamis Occidental busa mas duol gyud unya siya sa sunod nga presidenti sa nasod.

Subay niini nanawagan ang besi mayor sa mga taga suporta nga mosalmot sa kalihukan tungod ug alang sa kaugmaon sa lalawigan. Ang ilang buhaton mo kontak lang sa iyang buhatan.

Angayang masayran nga si Noynoy ug Mar mao ang nag –una sa sunod-sunod nga mga surveys alang sa pagkapresidenti ug pagkabesi presidenti , sama sa Pulse Asia ug SWS.
(Nanding Dumanjug, Office of the Vice Mayor)