Ozamiz PNP nakatutok sa Anti-terrorism, Insurgency ug Criminality Campain

Ozamiz PNP nakatutok sa Anti-terrorism, Insurgency ug Criminality Campain

PNP Ozamiz nakatutok sa tutlo ka kampanya alang sa paghatag og seguridad sa kinabuhi ug kabtangan sa katawhan.

Sa regular session sa konseho niadtong Lunes gipahayag ni Ozamiz Police Chief Inspector Wilbur Salaguste nga ang kapolisan sa siyudad nakatutok sa Anti Terrorism, Anti Insurgency ug Anti Criminality Campaigns.

Iyang gipasabot nga nadogang sa tahas sa kapolisan ang anti terrorism human nahitabo ang sunod sunod nga pagbuto sa bomba sa mga silingan nga mga dapit sa Mindanao , usa na niini ang nahitabo sa dakbayan sa Iligan dili pa lang dogay.

Subling gihulagway ni Salaguste nga ang siyudad potential targets sa mga terorista gumikan sa mga vital installations niini sama sa airport, pantalan, electric and water system ug uban pang public places.

Samtang nadogang usab ang kampanya batok sa ensurhensiya human namatikdan nga adunay gituhoang mga sakop sa walhong puwersa ang nakasulod sa mga barangay sa bukirang bahin.

Kalabot niini gipahayag ni konsehal Loloy Parojinog, ABC President, nga dako kaayog ikatabang ang gipakatag nga mga radio communication system sa 51 ka barangay sa dakbayan sa Ozamiz alang sa pagpalig-on sa nahisgutang kampanya.

Gipasabot sa konsehal nga pinaagi sa radio transceiver dali nga makareport ang mga otoridad sa mga barangay kalabot sa presensiya sa mga armadong tawo nga nagtinguha sa pagtigaw sa kalinaw sa siyudad.

Gipahayag usab ni Salaguste nga gikinahanglan ang augmentation sa puwersa sa Pnp aron mas molig-on pa ang kampanya sa kapolisan.

Sa kabahin ni Vice Mayor Kaloy Bernad ug sa tanang sakop sa konsehao ning siyudad, paningkamotan niini nga kahatagan sa egong suporta ang kapolisan.

Subay niini gihangyo sa konseho si Salaguste nga moduyso og rekomendasyon ngadto sa konseho sa labing dali nga panahon.
(Nanding G. Dumanjug, Office of the Vice Mayor)