Kalinaw ampingan taliwala sa pagluwas sa gidagit nga pare

Kalinaw ampingan taliwala sa pagluwas sa gidagit nga pare

Kalinaw sa Mindanao ampingan taliwala sa pagpaningkamot nga maluwas gikan sa kamot sa mga kidnappers si Fr. Michael Sinott.

Gipahayag ni Vice Mayor Kaloy Bernad nga angayan nga mag-amping og magmatngon ang tanan kinsa nalambigit sa pagpaningkamot nga maluwas nga buhi ang pareng misyonaryong kolombano aron kalikayan nga kini makahaling og kagubot, kaguliang ilabina sa tribung kristiano ug muslim.

Ang besi mayor nipadayag sa iyang pagpahinumdom aron makabantay ang matag usa ug mapakgang ang si bisan kinsang hut-ong o indibiduwal nga nagtumong sa pagtanom og kagubot sa Mindanao pinaagi sa pagamit sa naumol nga dili maayong sitwasyon resulta sa pagdagit sa maong pare.

Gipadayag sa besi mayor nga sa matag higayon nga adunay gi kidnapped nga pareng katoliko kanunay usab nga gisulay ang kalig-on sa maayong relasyon tali sa Kristiano ug Muslim nga nasinati sulod sa dogay nang panahon.

Busa gipadayag sa besi mayor nga himuon gyud ang hiniusang pagpaningkamot, pailob, pagsabot ug pagtinabangay aron magpabiling lig-on ang relasyon tali sa duha ka tribu taliwala usab sa pagpaningkamot aron maluwas nga buhi ang gidagit nga paring kolombano.

Kahinumdoman nga si Fr. Sinott,79, iris national, gidagit sa armadung grupo kaniadtong Nobyembri 11,2009 samtang naglakaw sa garden sa iyang residensiya sa Pagadian City.

Iyang nasabtan ang kabililhon sa kinabuhi sa usa ka misyonaryong pare gumikan kay siya mismo adunay uyoan nga usa ka pare ug duha ka iyaan nga madre nga sakop usab sa kolombanong kongregasyon, apan diha sa pagkab-ot sa solusyon kinahanglan ang tumang pag-amping gumikan kay kita ra gihapong tanan ang maapektuhan sa higayon nga mahitabo ang kagubot sa Mindanao.

Usa sa gihimong ehemplo sa besi mayor mao ang kahasol nga nasinati sa Lalawigan sa Lanao Del Norte ug Misamis Occidental particular sa dakbayan sa Ozamiz sa dihang niatake ang MILF sa lungsod sa Kolambogan nga nisangpot sa pagbakwit sa subra sa dies mil ka mga lomolopyo sa LDN paingon ngandhi sa dakbayan sa Ozamiz ug mga kanait nga dapit niini sa Misamis Occidental.
(Nanding Dumanjug,Office of the Vice Mayor)