Hangyo sa Native ug Fruit Section,Public Mall pagpakunhod sa stallrentals, tun-an sa konseho

Hangyo sa Native ug Fruit Section,Public Mall pagpakunhod sa stallrentals, tun-an sa konseho

Tun- an sa Committee on Public Market sa Sangguniang Panglungsod motuki sa sulat hangyo sa Native Section ug Fruit Section sa Ozamiz Public Mall nga unod niini nga kunhoran ang ilang stallrentals.

Gipahayag ni Vice Mayor Kaloy Bernad angayan nga i discuss ang ang maong hangyo sa public hearing sa committee on public market nga gipangulohan ni Hon. Bobby Jemeniz ug sa maong tigom kinahanglan anaa usab ang presensiya ni Economic Enterprise Manager Jonathan Rubio, lakip usab ang native ug fruit section stallholders aron makab-ot ang maalamon nga hukom.

Una nang gipahayag ni Hon. Jemeniz nga ilang paminawon ang hangyo sa mga stallholders sa public mall samtang anaa sa transition period ang operation niini.

Gipasabot usab ni Finance and appropriation chairman Loloy Cartajenas nga kinahanglan nga masusi gyud ang kaikag sa mga stallholders sa pagbayad kay kon wala kini dili pod maningkamot nga makabayad.

Ang sulat sa native ug fruit section, number 6 ug number 7 sa order of business sa regular session sa regular session sa konseho niadtong Lunes nga naghangyo nga kunhoran ang abang gikan sa P 128 ngadto sa P62 ang stall rentals sa native sections, samtang sa fruit section gikan sa 128 ikunhod ngadto sa P58.

Gawas sa sulat pinitsahan Hunyo 15, 2009 pinirmahan sa mga stallholders sa native section, personal nga miapila ang ilang presidenti nga si Eufracia Delvo atol sa peoples hour sa regular session kagahapong adlawa.

Iyang gipadayag nga naglisod sila sa pagbayad sa abang sa stalls gumikan sa hinay nga palit, mukusog man kini apan seasonal, sukwahi itande sa ubang baligya nga kada adlaw gikinahanglan sa mga kunsomante. Iyang gidogang nga adunay pipila sa ilang kauban nga wala gyud makabayad sa ilang stall rentals hangtod karon.

Subay niini nagkauyon ang tanang sakop sa konseho nga magpahigayon og committee hearing aron tun-an ang nahisgutan nga hangyo nga gipadangat ngadto sa konseho.

Hinuon kasamtangang wala pa mapiho ang tukmang panahon sa ipahigayon nga committee hearing sa committee on Public Market. (Nanding G. Dumanjug, Office of the vice Mayor)