Vice Mayor Kaloy Bernad positibo ang panglantaw sa Public Mall

Vice Mayor Kaloy Bernad positibo ang panglantaw sa Public Mall

Positibo ang panglantaw ni Vice Mayor Kaloy Bernad sa pagbukas sa Public Mall ning siyudad.

Pinaagi sa suporta sa katawhan ilabina ang pagtuman sa mga magpapatigayon sulod niini sa mga reglamento ug balaod nga sukaranan sa pagdumala sa maong proyekto.

Gipasabot ni Bernad nga ang labing importante nga hingpit nga makasugod ang operasyon sa Public Mall ug himoon sa goberno lokal ang pagtubag sa kakulangon nga mubotho matag karon ug unya. Kabahin niini ang paghikutar sa drainage ug ang kaigang sa sulod niini.


Iyang gidogang nga dili maayo paminawon kon unahon sa goberno ang tinguha nga mokita ang goberno lokal , apan kinahanglan nga konsedirahan usab nga makabayad ang siyudad sa kantidad nga giutang gikan sa Land Bank ug Asian Development Bank.


Mokabat sa kinatibuk-an nga 153,600,000.00 ang utang sa siyudad gikan sa LBP ug ADB nga pagabayran sulod sa dose ka tuig nahilakip niini ang duha ka tuig nga grace period nga may interest nga 11 porsento matag tuig, wala pay labot ang variation order nga mokabat usab sa 14 milyones pesos.

Angayang masayran nga mokabat na sa kinatibuk-an nga 167 milyones pesos ang kantidad sa Public Mall.

Ang nahisgutan nga prime economic enterprise opisyal nga mibukas sa iyang operasyon kaniadtong Lunes, Mayo 28, 2009 pinaagi sa usa ka programa-seremonya sa sulod mismo niini nga gitambongan sa mga tag-as nga opisyal ning siyudad , Department of Interior and Local Government DILG ug ang taga LandBank . (Nanding & George, Office of the Vive Mayor)