JOBS Fair sa Ozamiz magpadayon kada tuig

JOBS Fair sa Ozamiz magpadayon kada tuig


Tinguha ni Vice Mayor Kaloy Bernad nga magpadayon kada tuig ang Jobs Fair sa Ozamiz.

Gipahayag sa besi mayor nga usa ka dakong tabang sa lomolopyo sa siyudad ug mga kasikbit nga dapit ang oportiyunidad sa panarbaho nga gidala mismo paingon sa City Hall aron kahatagan og kasayon ang mga nangita og trabaho sa pag-apply.

Iyang gedayeg ang pagpaningkamot sa Public Employment Service Office (PESO) pinaagi ni Manager Judith Halasan, mga opisyal sa Department of Labor and Employment (DOLE) Misamis Occidental sa pagpangulo ni Provincial Director Leonardo Rodrigo ug usab ang suporta sa Phillipine Overseas Employment Administration (POEA) ug ang mga recruitment agencies gikan sa lain laing dapit nga mibitbit sa ilang buhatan paingon sa City Hall.

Kabahin niini ang NEW ERA PLACEMENT AGENCY CO., NONSTOP OVERSEAS EMP. CORP., ED-FRO-BON MANPOWER SERVICES, ACTIVE WORKS, INC.,
SAFARI COMPANY LIMITED, MS AL-SUWAIDI EQUIPTMENT & TRANSPORT,
ABDULRAHMAN AL BADER EST. , MS AL-SUWAIDI SCAFFOLDING SERVICES AND ACCESS SOLUTION CO. LTD, ug uban pa.

Gipadayag sa besi mayor nga magpadayon ang suporta sa lokal nga kagamhanan ning siyudad aron usab matag tuig mapahigayon ang Jobs Fair.

Ang Jobs Fair niadtong tuig 2009, napahigayon niadtong Mayo 27-28 diha mismo sa City Hall, gibuksan pinaagi sa hamubong programa sa may alas otso sa buntag nga gitambongan sa mga opisyal sa siyudad, DOLE, PESO, representante sa mga recruitment agencies ug ang nagdoot nga mga aplikante gikan sa nagkalain laing dapit.
(Nanding & George, Office of the Vice Mayor)