International Friendship Project tali sa PNRC ug Japanese Red Cross Society ipatuman karong adlawa sa Ozamiz

International Friendship Project tali sa PNRC ug Japanese Red Cross Society ipatuman karong adlawa sa Ozamiz

2009-2010 International Friendship Project hingpit nga ipatuman sa dakbayan sa Ozamiz karong adlawa pinaagi sa Philippine National Red Cross,Ozamiz City Chapter.

Gipasabot ni Vice Mayor Kaloy Bernad, Chairman of the Board, PNRC Ozamiz nga ang nahisgutan nga programa gipundhoan sa Japanese Red Cross Society-Junior Red Cross/ Red Cross Youth (JRCS-JRC/RCY) ug ipatuman sa Philippine National Red Cross – Red Cross Youth pinaagi sa pinili nga mga lokal chapters sa tibuok nasod.

Unang makapahimulos sa programa ang kabus nga mga tinun-an sa barangay Guimad, Guingona, Trigos, Tipan ug Caventi kinsa maoy makadawat karong adlawa sa 600 ka bag packs nga adunay sulod nga mga school supplies.

Karong alas 8 sa buntag ipahigayon ang paglusad sa programa pinaagi sa hamobo nga seremonya sa Trigos Elementary School nga tambongan sa mga kadagkoan sa PNRC Ozamiz City Chapter, Division Office, Department of Education, magtutudlo, tinun-an ug mga ginikanan.

Usa sa labing bahandianong bahin sa programa ang MOA signing agig kasabutan tali sa PNRC, Tunghaan nga nakapahimolos, Parent –Teachers- Community Association alang sa hapsay ug matinud-anon nga pagpatuman sa maong programa.

Ang International Friendship Project gisugdan sa pagpatuman niadtong Marso tuig 2009 ug matapos sa Pebrero 2010 nga nagtutok sa lima ka tunghaan sa elementary ug hais skull nga kinahanglan nga hatagan sa unang pagtagad gikan sa napulo ka piniling red cross chapters diin upat sa Luzon, duha sa Visayas ug tulo dinhi sa Mindanao.

Kagahapong adlawa gihakot na sa Red Cross paingon sa nahisgutang nga mga tunghaan ang 600 ka mga bag packs pinaagi sa pag-ayuda ni Mayor Aldong Parojinog ug Vice Mayor Kaloy Bernad.
( Nanding G. Dumanjug, Office of the Vice Mayor)