Konseho nagtinguhang masayod sa kinatibuk-ang operasyon sa Public Mall

Konseho nagtinguhang masayod sa kinatibuk-ang operasyon sa Public Mall

Sangguniang Panglungsod nagtinguha nga masayod sa kinatibuk-ang kahimtang sa pagpadagan sa Public Mall ning siyudad.

Si Vice Mayor Kaloy Bernad ug tanang sakop sa konsehao nagkauyon kagahapon atol sa regular session nga hatagan sa higayon si Mr. Jonathan Rubio, Manager Economic Enterprise karong Hulyo 22, 2009 aron makahatag sa pangkinatibuk-ang kahimtang sa operation sa Public Mall sa tumong nga kagiyahan ang konseho sa pagtubag sa mga hangyo gikan sa mga vendors kinsa nagnegosyo sulod sa nahisgutan nga labing dako nga economic enterprise.
Kini bunga sa sunod sunod nga hangyo nga nadawat sa konseho nga may kalabutan sa pagpakunhod sa rental fees sa mga stalls sa Public Mall. Kabahin niini ang hangyo sa mga vendors sa Native Sections, Grocery, Rice and corn Retailers Sections kinsa naghangyo nga kunhoran ang ilang abang sa stalls kada adlaw gumikan kay dili makaya sa ilang negosyo ang kasamtangan nga rental rates.

Sa nahisgutang nga isyu nagpasidaan si Konsehal Bobby Jimenez nga kinahanglan mag amping ang konseho sa pagtubag sa hangyo sa mga vendors sa kabalaka nga dili unya makabayad ang siyudad sa bangko nga giutangan niini aron matukod ang public mall.

Gipadayag usab konsehal Nova Princess Parojinog Echavez ang kabalaka kalabot sa iyang nakuhang taho nga wala na magbayad sa rental fees ang mga vendors nga nagduso og petition sa konseho alang sa reduction sa ilang balayranan. Gawas pa niini namatikdan usab sa konsehal ang suliran sa drainage, tulo ang atop ug hilabihan ka ngitngit sa nigayon nga mag brown out busa nagkinahanglan kini og standby power generator.

Sa kabahin ni konsehal Loloy Cartajenas, kinahanglan nga masayod ang konseho kon kinsa kadtong vendors nga wala makabayad ug ang nakabayad aron masuta gyud ang hinongdan sa maong problema.
Kalabot niini gipasabot ni Konsehal Connie Lim nga gilatid sa probiso sa Public Mall nga ang economic manager ang mo imposarr sa sanctions niadtong dili makabayad o makasupak sa economic code sa siyudad.

Apan taliwala niini gipasabot sa besi mayor nga sa kasamtangang kahimtang ang management sa Public Mall ang unang mohatag og aksiyon partikular ang pagtakda sa pagkunhod sa rental rates.

Ang rental rates importanting bahin sa polisa sa operasyon sa Public Mall busa kinahanglan unta nga hikutahon sa Public Mall Board ug human niini magpaabot ang sangguniang sa ilang rekomendasyon.

Taliwala niini nga kakulangon gipadayag sa besi mayor nga magpahigayon gyud og pagdungog ang committee of the whole aron kaaksiyonan ang mga problema sa operation sa Public Mall.
(Nanding G. Dumanjug, Office of the Vice Mayor)