Suliran sa billing system sa Moelci i prioritize

Suliran sa billing system sa Moelci i prioritize

Billing System sa Misamis Occidental Electric Cooperative Incorporated MOELCI 11 angayan nga iapil sa prayoridad sa management.

Ang besi mayor nipahayag sa iyang kabalaka nga kun dili masulbad sa labing dali nga panahon ang problema sa sistema sa pagkuwenta sa balayranan sa mga konsumante nga pinaagi sa computer hayan magdulot og dili maayong pagsinabtanay sa mga konsumanti sa MOELCI 11 ug mismo sa management.

Kagahapong adlawa sa gipahigayon nga regular session sa konseho ning siyudad nga gipangulohan ni Konsehal Taryn Mecaros isip presiding officer, mipasabot atol sa peoples hour sa Moelci II General Manager Jemilo Pelimer kalabot sa suliran sa ilang computerized billing system nga adunay failures nga nisangpot sa pagtatak og arriers kun daan nga balayranan sa koryenti sa mga kunsomanti. Kini nga kasinatian gituhoang nahitabo usab sa pipila ka sakop sa sangguniang panglungsod.

Gipasabot ni Pelimer nga kadtong adunay problema kalabot sa ilang billing kinahanglan nga magdala og kamatuoran sa ilang pagbayad sama sa resibo ngadto sa billing section sa ilang buhatan og personal nga iyang ipasusi aron mapahigayon ang corrections kun ugaling adunay nahitabong sipyat nga pagtatak sa billing sa koryenti sa usa ka konsumante.

Gidogang sa besi mayor nga kun ugaling man sayop ang billing hayan moresulta sa dakong balayranan nga makaapekto sa kahimtang sa kinitaan sa mga negosyanti ug indibiduwal nga mga kunsomanti kinsa naningkamot aron makahatag og benepisyo sa ilang mga trabahanti o gasa alang sa sakop sa pamilya nga magsaulog sa panahon sa pasko.

Gipasalig ni Pelimer atubangan sa konseho nga ilang paningkamotan nga masulbad gilayon ang nahisgutan nga suliran.
(Nanding Dumanjug, Office of the Vice Mayor)