Ozamiz, MisOc, potential investments sa BIO-FUEL

Ozamiz, MisOc, potential investments sa BIO-FUEL

Gipahayag ni Ozamiz City Vice Mayor Carlos “Kaloy” Patricio Cruz Bernad nga potential sa Bio-Fuel investment and dakbayan sa Ozamiz ug ang tibuok lalawigan sa Misamis Occidental.

Ang pamahayag giluwatan sa Besi Mayor ning siyudad atol sa gipahigayon nga business furom sa Bethany Gardens niadtong Sabado nga gitambongan mismo ni Agriculture Secretary Arthur Yap, mga opisyal sa Isabela Alco Gas Corporation ug Bryan Gaw Corporate Planning, Department of Agriculture Region 10 Regional Director Laylay Ramos, City and Provincial Officials ug mga sakop sa lumad Subanen.

Gipasabot sa besi mayor nga ang siyudad adunay mga investment facilities sama sa maayong pantalan, air port, farm to market roads, water system ug electricity. Gawas pa niini coastal by passed road makatabang pagpasayon sa paghatod sa mga produkto gikan sa mga planta nga ipabarog sa mga investors.

Dogang pa niini ang siyudad nahimotang sa plastada nga dapit sa lalawigan busa dili layo ug sayon ang paghatod sa mga produkto gikan sa mga planta nga itukod usab sa mga investors ngadto sa mga silingang lungsod ug dakbayan.

Ang kayutaan sa siyudad ug lalawigan haom sa palm oil, tubo ug uban pang root crops nga mamahimong tinubdan sa Bio-Fuel.

Gumikan niini si secretary Yap mismo ang nidala sa nahisgutan nga mga investors dinhi sa siyudad isip alter ego ni presidenti Gloria Macapagal Arroyo subay sa programa nga tumong ang pag-industrialized sa mga probensiya.

Gipahayag ni George Uy, president sa Isabela Alco Gas Corporation nga 16 mil hektaryas sa plantasyon sa tubo ang ilang ipahiluna sa lalawigan. Kabahin niini ang 3 mil hektaryas sa Ozamiz, 3 mil sa Clarin, 4 mil sa Tudela ug 3 mil sa Sinacaban.

Samtang gibutyag usab ni Goh Insing, presidenti sa Bryn Gaw Corporate Planning nga 20 mil hektaryas ang ilang gikinahanglan alang sa palm oil plantation.

Ang Isabela Alco Gas Corporation naa na sa proseso sa pagpatuman sa proyekto ug gidahuman nga positibo usab hukom sa Bryn Gaw Corporation bisan pa nga dili lat-ag lat-ag ang luna nga ilang gikinahanglan ug naghangyo usab sila ng makamogna ang mga hingtungdan lokal nga pangkoberno og dalan sa bukid nga magkutay sa lungsod ug dakbayan sa lalawigan nga ilang tukoran og planta sa palm oil.

Sa nahisgutang nga business furom mainiton nga gi-welcome ni vice mayor Kaloy Bernad ang kalihim sa departamento sa agriculture ug mga foreign investors sa ngalan ni Mayor Renaldo “ Aldong O. Parojinog.
( Nanding G. Dumanjug, office of the vice mayor)