BAFCI NAGLAOM NI VICE MAYOR KALOY BERNAD

BAFCI NAGLAOM NI VICE MAYOR KALOY BERNAD

Brotherhood Assistance Future Concern Incorporated (BAFCI), kahugpongan sa mga kabus ug yanong lungsoranong sa Misamis Occidental nipadayag sa ilang paglaum ni Vice Mayor Kaloy Bernad nga makatabang sa pagkab-ot sa tumong ug tinguha sa maong kahugpongan.

Sa panagtigom dili pa lang doday tali sa mga opisyal sa BAFCI nga gipahigayon sa ilang buhatan sa Pingol Street ning siyudad, gipahayag ni Apolinar Estrael, chairman, nga dako ang ilang paglaom nga makatabang gyud si Vice Mayor Kaloy Bernad sa mga kabus nga mga meimbro niini kun ugaling siya ang modaog sa piniliay sa pagkagobernador sa Misamis Occidental karong mayo tuig 2010.

Sa nasangpit nga higayon gipadayag sa kahugpungan ang ilang suporta sa besi mayor mayor kinsa opisyal nga kandidato sa pagkagobernador sa Liberal Party sa lalawigan.

Gipasabot ni Estrael nga bisan ang ilang kahugpugan non partisan apan sa ngalan sa Labawng Makagagahom kinsa nag-atiman sa mga kabus mahimong magkatakdo sa gihapon ang kahugpongan tali sa besi mayor gumikan kay managsama ang tumong ug tinguha niini nga mao ang pag-alad sa mga kabus.

Unang gipalanog ni Bernad nga usa sa nag-unang tumong sa iyang pagdagan pagkagobernador ang pag-haw-as sa Misamis Occidental gikan sa kapobrihon pinaagi sa pagpalambo sa ekonomikanhong mga kalihukan sa tanang economic sectors sa katilingban. Pinaagi niini mapapas na unya ang lalawigan sa listahan sa mga probinsiya nga giilang labing kabus gumikan sa kaubos sa kinitaan sa katawhan niini.

Gidogang sa besi mayor nga siya unya ang modala sa “Paglaum”, “Kaugmaon”, sa “Paghaw-as sa lalawigan sa Kawad-on”.
(Nanding G. Dumanjug. Office of the Vice Mayuor)