VICE MAYOR KALOY BERNAD 100% MOSUPORTA LP

VICE MAYOR KALOY BERNAD 100% MOSUPORTA LP

Vice Mayor Kaloy Bernad sento porsentong musorporta sa Liberal Party.

Gibutyag sa Besi Mayor nga gawas nga one hundred percent ang iyang pagsuporta sa partido, iya pa nga gidawat ang hagit niini nga ang gibarogan nga partido usa ka kawsa sa kausaban alang sa kalamboan sa katawhan.

Dili pa lang dugay, ang national directorate sa LP mitahasan sa besi mayor nga organisahon ang lalawigan sa Misamis Occidental aron mapiho ang kompletong linya niini alang sa 2010 national ang local elections.

Ang mga political analyst ug taga suporta sa besi mayor mipadayag nga positibo ang ilang panglantaw sa hukom sa besi mayor nga mihatag sa iyang hingpit nga suporta sa partido liberal gumikan kay ang ilang standard bearer alang sa position sa pagkapangulo sa nasod nga si Noynoy Aquino ug ang runningmate niini, susama og kahimtang sa besi mayor kinsa ang mga apohan og amahan nahimong mga pangulo sa katawhan.

Angayan masayran nga si Noynoy mao ang anak sa kanhi bayaning Senador Ninoy Aquino ug ang iyang inahan nga si kanhi presidenti Corazon Aquino kinsa ang mga ginikanan niini maoy nahimong pabilo aron mahibalik ang demokrasya sa katawhan, samtang si Mar Roxas, anak sa kanhi senador Gerry Roxas ug apo ni kanhi presidenti Manuel Roxas, samtang si Vice Mayor Kaloy Bernad mao ang anak ni kanhi mayor Dongdong Bernad sa Ozamiz ug apo ni kanhi gobernador Don Anselmo Bernad sa Misamis Occidental kinsa ang mga ginikanan niini giila na legendary politician gumikan sa dili kabugtian og sapi nga mga nahimo niini sa panahon sa ilang pangagamhanan. Gawas pa niini ang ilang mga pamilya giila nga mga relihiyoso, mahadlokon sa Dios, sensiro ug nagsakripisyo alang sa katawhan.

Sa iyang pagpasakop sa Liberal Party, mas nagkakusog ang hangyo gikan sa mga taga suporta, pamilya, kaparentihan ug mga higala nga mas makaayo sa katawhan sa lalawigan kon modagan siya sa pagkagobernador ubos sa bando sa giingong dumadaog nga kandidato sa pagkapangulo sa nasod nga si Senador Noynoy Aquino ug sa runningmate nga si Mar Roxas.

Angayang masayran nga si kanhi Mayor Dongdong Bernad, orihinal nga sakop sa Partido Liberal ning siyudad.
(Nanding G. Dumanjug, Office of the Vice Mayor)