PNRC OZAMIZ CHAPTER, JAPANESE RED CROSS SOCIETY-JUNIOR RED CROSS UG RED CROSS YOUTH, mohatag og school supplies sa 600 ka labing kabus nga mga tinun-a

PNRC OZAMIZ CHAPTER, JAPANESE RED CROSS SOCIETY-JUNIOR RED CROSS UG RED CROSS YOUTH, mohatag og school supplies sa 600 ka labing kabus nga mga tinun-an

Phil National Red Cross Ozamiz City Chapter mohatag og school supplies sa labing kabus nga mga tinun-an sa lima ka mga barangay ning siyudad.

Sa gipahigayon nga panagtigom sa mga sakop sa PNRC Board niadtong Lunes, Hunyo 15,2009 sa buhatan sa PNRC ning siyudad pinaagi sa chairman niini nga si Vice Mayor Kaloy Bernad, gikauyonan sa tanang sakop sa hunta nga hatagan og imported school supplies ang labing kabus nga mga tinu-an sa barangay Guimad Elementary School, Guingona Elementary School, Trigos Elementary School, Cavinte Elementary School ug mga tinun-an sa Tipan.

Gipahayag ni Hon. Bebie Neri , Board Secretary nga 600 ka mga most indigent pupils gikan sa nahisgutang mga barangay ang makadawat og bag packs nga adunay sulod nga mga school supplies gikan sa Japan Red Cross Council, ang benefactor sa maong kalihukan.

Nasayran nga ang lima ka barangay gi identify sa Department of Education nga most indigent barangay ug layo sa sentro sa siyudad busa ang mga tinun-an niini ang makapahimulos sa ipanghatag nga school supplies.

Nahimo ang launching sa pagpang apod apod og school supplies kaniadtong Hulyo 23 tuig 2009 didto sa Trigos Elementary School pinaagi sa usa ka programa sa may alas 9 sa buntag . Gawas niini nakadawat usab ang matag tunghaan nga gihisgutan sa unahan og tagsa ka bola sa volleyball ug basketball.

Nakita sa PNRC BOARD OZAMIZ CHAPTER ang kamahinongdanon sa school supplies alang sa mga kabus nga tinun-an.
(Nanding G. Dumanjug, Office of the Vice Mayor)