Stall Rental Fees sa Public Mall gikunhoran

Stall Rental Fees sa Public Mall gikunhoran

Sangguniang Panglungsod, Public Mall Board ug Ozamiz City Public Mall Vendors Association (OCPUMVA) hiniusang nagkauyon nga ikonhod og 20 posento ang ilang stall rentals.

Ang tripartite conference nga gitambongan ni Vice Mayor Kaloy Bernad ug konsehal Bobby Jiminez , Chairman Committee on Economic Enterprise isip Representanti sa Sangguniang Panglungsod, Mayor Aldong Parojinog, Chairman of the Board, ug sa mga sakop niini nga sila si Jonathan Rubio, Public Mall Manager, Darwin Aquirre, pangulo sa OCPUMVA nga giubanan sa iyang mga sakop nga mga presidenti sa nagkalain laing sections nakasentro sa pagtuon sa sugyot sa mga vendors ug sa Public Mall Board.

Gisugyot sa OCPVUMBA and 70 porsento nga reduction sa stall rental rate samtang mitugbang usab sa pagpresentar ang Board og 20 posento plus reduction sa occupancy fee gikansa 28 pesos ngadto sa 18 pesos pinaagi sa pag-inat sa gidogayon sa pagbayad ngadto sa tulo ka tuig gikan sa orihinal nga duha ka tuig.

Gipasabot pag-ayo sa Board nga kon ikunhod og 70 posento ang balayranan hayan masira ang Public Mall apan kon sundon ang 20 porsento, mokita og diyutay ang Public Mall nga mahimong gamiton sa pagbayad sa loan ug sa maintenance operation.

Gipasabot ni Vice Mayor Kaloy Bernad, konsehal Jiminez ug Jonathan Rubio nga ang sugyot sa board dili maoy kataposan, kon dili sinugdanan lamang aron himuon pa ang dogang pagtuon sama sa pag classify sa plastada sa mga puwesto sa matag section diin nagpasabot nga ang nahimotang sa mas plastada mas dako og balayranan itande niadtong atua nahimotang sa suok nga bahin, lakip usab ang padayon nga tun-an ang pag classify sa matang sa produkto nga gibaligya.

Nakasabot ang mga vendors sa sugyot sa board ug Sangguniang Panglungsod ug gisaad ni Vice Mayor Kaloy Bernad nga ilakip sa session ang nakab-ot nga sulosyon sa hangyo sa mga vendors sa sunod regular session sa Lunes ug ipatuman gilayon ang reduction sa petsa Uno sa Oktubre tuig 2009.

Samtang nag-abiso ang OCPUMVA nga mobalik sila sa paghangyo sa Board ug Sangguniang Panglungsod kon magpabiling bug-at alang kanila ang gikasabotan nga sulosyon. Apan sila gitubag sa board nga wala pa matapos ang pagpangitag sulbad ug padayon nga pagpaningkamot aron mabuhi ang mga vendors ug mabuhi usab ang operation sa Public Mall.
(Nanding G. Dumanjug, Office of the Vice Mayor)