PHILHEALTH MOPATIN-AW SA KONSEHO

PHILHEALTH MOPATIN-AW SA KONSEHO



Proseso sa pag-avail sa mga indigent families sa Philhealth Insurance gilauman nga mahatagan og katin-awan sa sunod regular session sa konseho ning siyudad.

Gipahayag ni Vice Mayor Kaloy Bernad pinaagi sa katin-awan sa hingtungdan opisyal sa Philhealth mapasabot usab ngadto sa publiko ang guidelines, proseso ug pamaagi sa pag-avail sa mga insured indigents aron makab-ot ang pagsinabtanay.

Angayang masayran agig paghatag og prayoridad, migahin ang sanggguniang panglungsod ug P1.4 milyones pesos alang sa pagpamembro sa mga indigent families sa dakbayan sa Ozamiz ngadto sa Philhealth Insurance aron dili mabug-atan sa pagbayad sa ilang hospital bills ug pagpalit ug tambal sa higayon nga adunay mga sakop sa pamilya niini ang madala sa tambalanan.

Subay niini sa sugyot ni konsehal Connie Lim nga gisuportahan sa tanang sakop sa konseho, gihangyo niini ang presensiya sa opisyal sa Philhealth aron mohatag og katin-awan sa proseso, guidelines, o pamaagi sa pagtuman ug pag-avail sa ilang programa.

Angayang masayran nga gumikan sa kawad-on daghang kabus nga pamilya ang nagkinahanglan sa maong serbisyo agig pagsanong sa tahas sa goberno nga ihatag ngadto sa publiko ang serbisyo pangkahimsog, pagluwas ug proteksiyon sa kinabuhi.
(Nanding G. Dumanjug, Office of the Vice Mayor)