PNRC OZAMIZ MAGPAHIGAYON OG SUNODSUNOD NGA BLOOD LETTING

PNRC OZAMIZ MAGPAHIGAYON OG SUNODSUNOD NGA BLOOD LETTING

Tinguha sa Philippine National Red Cross Ozamiz City Chapter ang pagpahigayon og sunod-sunod nga Blood Letting sa 51 ka barangay ning siyudad.

Gipahayag ni Vice Mayor Kaloy Bernad, Chairman, PNRC Board, Ozamiz City Chapter nga sa ilang gipahigayon nga panagtigom dili pa lamang dogay, gikauyonan nga magpahigayon og sunod-sunod nga Blood Letting ang PNRC aron makatigom og egong supply sa dugo nga gikinahanglan pagluwas sa mga pasyenti.

Subay niini, ang barangay Kinuman Norte, ang unang barangay diin sila nakapahigayon og blood letting pinaagi sa pagsuporta sa Barangay Council niini ug sa mga volunteers.

Ang mao nga kalihukan nagkadungan sa gipahigayon nga free blood pressure and sugar examination sa pagpanguna ni Doctor Dondon Lumanta, founder sa Diabetic Association of City of Ozamiz (DACO) ug sa mga medical staff sa Mayor Hilarion Ramiro Training and Teaching Hospital.

Kalabot niini nipadayag og dakong pasalamat ang besi mayor sa tanang lumilihok sa PNRC, MHARSRTTH, Sangguniang Barangay sa Kinuman Norte , mga sakop sa DACO, mga volunteers ug lomolopyo sa barangay nga nihatag sa ilang kinasing kasing nga suporta aron magmalampuson ang nahisgutang kalihukan.
(Nanding G. Dumanjug, Office of the Vice Mayor)