Cooking and baking kahimsog sa pamilya, komonidad ug ekonomiya, pahayag ni Vice Mayor Kaloy Bernad.

Cooking and baking kahimsog sa pamilya, komonidad ug ekonomiya, pahayag ni Vice Mayor Kaloy Bernad.

Cooking and baking makapahimsog sa pamilya ug komonidad, alternatibong panginabuhian ug makatabang sa ekonomiya.

Gipasabot sa besi mayor nga ang matag banay kinsa ang mga ginikanan adunay kaantigo sa pagpanluto sa mga pagkaon nga dasok sa bitamina, nutrina ug menirales diin makaplagan diha lang sa palibot , magdulot og maayong panglawas sa mga sakop sa pamilya.

Iyang gihatagan og dakong gingbug-aton ang kahimsog sa pamilya gumikan kay kini ang batakang institusyon sa katilingban diin nagsukad ang kalaboan sa komonidad, barangay, munisipalidad, siyudad, lalawigan ug sa kinatibubk-ang nasod.

Iyang gidayeg ang nagkalaing laing tunghaang institusyon ning siyudad nga nisalmot sa kalihukan gumiikan kay kini usa ka pagpakita og suporta sa pagpaningkamot sa siyudad nga makab-ot ang kalamboan.

Nasayran sa besi mayor nga daghan nang taga Ozamiz o lalawigan sa Misamis Occidental ug mga kanait nga dapit ang nakatrabaho sa gawas sa nasod gamit ang abilidad sa pagpanluto.

Samtang alang sa uban nahimong alternatibong panginabuhi ang pagpanluto alang niadtong walay trabaho aron mokita og kantidad nga gikinahanglan sa pamilya.

Positibo ang besi mayor nga makatabang sa ekonomikanhong kahimtang sa pamilya ang pagpalambo sa abilidad sa pagpanluto ug kini usa sa maayong paagi nga moani og pagdayeg ang siyudad ug magdalan sa pagkab-ot sa tinguha nga makaangkon og maayong dungog ang siyudad. . (Fernando G. Dumanjug, Office of the Vice Mayor)